VIII. Euskal Herriko Kopa

Bihar hasiko da VIII Euskal Herriko Kopa Aurrera - Eibar partiduarekin

2018ko apirilaren 25a / ehkirola.eus

 

Hasi da Euskal Herriko VIII. Futbol Kopa: lehen faseko lehen kanporaketak  aste honetan jokatuko dira.

 

Lehen partida Aurrera de Vitoriak eta Eibarrek jokatuko dute, apirilaren 26an, osteguna, 19:30ean Gasteizko Olaranbe 1 zelaian.  Beste hiru kanporaketa ere jokatuko dira asteburuan, lehen fase honetarako lau multzo osatu dira-eta.

 

Aurten urrats garrantzitsua eman du Euskal Kopak: joan zen urtean 6 taldek hartu zuten parte eta aurtengoan 13 taldek jardungo dute norgehiagokan. Txapelketa honek gero eta erakarritasun handiago duen seinale nabaria.

 

Parte hartuko dute Frantziako ligako Ipar Euskal herriko talderik onenek: Genets eta Aviron Bayonnais; eta Hego Euskal Herrian Espainiako ligan lehen eta bigarren mailan jokatzen duten kasik guztiek: Athletic, Reala, Añorga, Oiartzun, Zarautz, Eibar, Pauldarrak, San Ignacio, Aurrera de Vitoria, Mulier eta Osasuna).

 

Lau multzo egin behar izan dira kanporaketen bidez final erdian lehiatzen hasten diren Reala eta Athleticen aurka nork jokatuko duen erabakitzeko.

 

Kanporaketak partida bakarrera jokatuko dira 17/18ko denboraldian.

  

Finala, 2018/19-ko aurre denboraldian jokatuko da.

 

Multzoak eta lehen faseko lehen kanporaketak

 

1. Multzoa

  • Oiartzun
  • Añorga
  • Zarautz

2. Multzoa

  • Eibar
  • Aurrera
  • Genets

3. Multzoa

  • Pauldarrak
  • San ignacio
  • Aviron Bayonnais

4. Multzoa

  • Osasuna
  • Mulier

 

1. MULTZOA

 

Zarautz – Oiartzun (Añorga libratzen da). Apirilak 28, larunbata, 12:00,  Asti Txikin (Zarautz)

 

2. MULTZOA

 

Eibar – Aurrera (Genets libratzen da ).Apirilak 26, osteguna, 19:30, Olaranbe 1 (Gasteiz)

 

3. MULTZOA

 

Aviron Bayonais – Pauldarrak (San Ignacio libratzen da) Apirilak 29, igandea, 13:00, Avironen zelaian (Baiona)

 

4. MULTZOA

 

Mulier – Osasuna. Apirilak 29, igandea, 18:00, Mulierren zelaian (Iruñea)